Escoitar, entender, atender
 2 anos tendendo pontes

O Goberno provincial cumpre dous anos tendendo pontes, unha forma de xestionar baseada nunha fórmula: escoitar as achegas de cada cidadá e cidadán, colectivo e administración; entender as suxestións e demandas recibidas sempre con visión de provincia, alén de distribuír os recursos públicos; e atender a todas as persoas que o precisen.

Neste tempo realizáronse máis de 4.530 actos de goberno, 1.200 deles encabezados polo presidente Luis López, e preto de 400 visitas a concellos. Unha presenza que segue a filosofía de facer investimentos e mellorar servizos nos 61 municipios, percorrer o territorio e contar o que acontece.

Ademais, esta nova forma de gobernar desenvolveu seis piares fundamentais a partir da experiencia de escoitar, entender e atender. A atención aos concellos, con máis de 235 millóns de euros investidos en máis dun milleiro de obras, é un dos grandes fitos deste período. O movemento veciñal, con apoio económico a 800 colectivos da provincia, representa outro dos eixes estratéxicos. Tamén o é a consolidación de Pontevedra como provincia do deporte polo grande apoio a eventos e deportistas, así como a promoción do territorio atendendo as singularidades da costa e do interior. A descentralización de actividades como medida fronte ao reto demográfico e a cultura como selo de identidade e elemento chave que chega a todas as contornas completan este modelo, que inicia agora o terceiro ano.

Neste espazo tes dispoñible en vídeo o acto íntegro dos 2 anos tendendo pontes, que tivo lugar en Vigo, e podes coñecer polo miúdo o resultado da xestión nos 730 primeiros días do mandato.