O presidente da Deputación de Pontevedra, Luis López, mantivo este luns un encontro de traballo co comisario provincial da Policía Nacional, Juan José Díaz Jiménez. Durante a reunión, ambos os dirixentes estudaron o estado da seguridade cidadá no territorio provincial, ao mesmo tempo que puxeron sobre a mesa as necesidades e os retos de futuro neste eido para conseguir unha provincia máis segura.