O presidente da Deputación de Pontevedra, Luis López, acompañado por membros do seu equipo de Goberno, entre eles o vicepresidente segundo e responsable do Museo de Pontevedra, Rafa Domínguez, visitaron este venres o convento de Santa Clara. O propio mandatario provincial explicou que esta excursión forma parte dunha serie de visitas institucionais a propiedades da Deputación para coñecer os tesouros e a riqueza arquitectónica que agochan.

A visita estivo guiada pola nova directora do Museo de Pontevedra, Ángeles Tilve, quen lles mostrou ás e aos visitantes todos os recunchos e lles contou numerosos segredos deste emblemático inmoble que restaurará a Deputación.