Coa efeméride do Ano Castelao 2025, no que se conmemoran os 75 anos da morte do recoñecido persoeiro da nosa cultura, desde a Deputación de Pontevedra, e coa colaboración da Asociación Etnográfica Sete Espadelas, organízase unha pasarela de traxes tradicionais inspirados nas pinturas e debuxos de Castelao, unha escolma duns corenta traxes de diferentes clases sociais dos séculos XVIII e XIX e de distintas comarcas de Galicia que constitúen un testemuño fiel dunha época, dunha paisaxe e dun xeito de vivir que servirá para reivindicar a nosa indumentaria e o seu papel como patrimonio inmaterial e para promover a posta en valor, a conservación e a difusión do traxe tradicional galego.