A Deputación de Pontevedra segue co seu apoio firme aos concellos cun novo plan para paliar os danos ocasionados polos temporais do pasado inverno nas estradas municipais e nos accesos a recursos naturais da provincia.

A institución provincial pon en marcha o Plan Vía Depo, en resposta ás peticións transmitidas desde os concellos para reparar e mellorar a rede viaria municipal en todo o territorio, cunha dotación de 8 millóns de euros. O fondo sufragará obras de mellora de trazados, reforzo de estruturas, reparación de pavimentos ou drenaxe e estabilización de muros, cunha dotación mínima de 50.000 euros por concello e coa asignación de cantidades adicionais segundo criterios de superficie, poboación e número de entidades singulares.

A Deputación, da man dos concellos, continúa a traballar polo benestar e pola mellora das infraestruturas e dos servizos da provincia. Consulta aquí toda a información.