Estratexia innovadora transfronteiriza para a protección de castiñeiras ante desafíos climáticos e biolóxicos

• Acronimo:

  CHESTNUTCARE

• Programa:

  Cooperación Interreg VI A España-Portugal (POCTEP) 2021-2027

• Convocatoria:

  Sexta

• Fondos:

  FEDER

• Órgano responsable:

  Beneficiario principal: Deputación de Pontevedra

O obxectivo xeral do proxecto é desenvolver e implementar tecnoloxías avanzadas para a detección, control e xestión de danos nos bosques de castiñeiro da eurorrexión Galicia-Norte de Portugal, e asemade promover a sustentabilidade, rendibilidade e resiliencia do sector da castaña. Espérase lograr un cambio significativo na problemática mediante a innovación tecnolóxica e unha cooperación efectiva, que mellore a capacidade de resposta fronte a ameazas fitosanitarias e fortaleza a competitividade rexional.

Para iso, levaranse a cabo o diagnóstico conxunto, o desenvolvemento de ferramentas preditivas e sistemas de alerta temperá, a implementación de tecnoloxías avanzadas de mostraxe e a transferencia de coñecemento a agricultoras, agricultores e xestores forestais.

O proxecto combina tecnoloxías de vangarda e tradicionais, cun enfoque integrado de cooperación. Isto permitirá non só optimizar a xestión fitosanitaria, senón tamén establecer un modelo replicable para outras rexións con desafíos similares. Ademais, fomenta unha colaboración eficaz entre o ámbito público e privado.

Entidades beneficiarias 

BE1: Instituto Ourensán de Desenvolvemento Económico (INORDE)

BE2: Instituto Politécnico de Bragança

BE3: Instituto Politécnico de Viana do Castelo

BE4: Fauna útil, S. L.