Así mesmo, son ferramentas útiles para mellorar a competitividade da iniciativa empresarial, promover un turismo sostible e desestacionalizado, capacitar e formar a cidadanía no desenvolvemento da súa carreira profesional, conservar e protexer o patrimonio cultural e natural, despregar no territorio o uso de enerxías renovables e medidas de eficiencia enerxética, impulsar a transición dixital etc.

Os proxectos europeos son, evidentemente, unha fonte adicional de financiamento para a Deputación de Pontevedra, sobre todo para levar a cabo iniciativas e actuacións que doutro xeito non poderían realizarse; por exemplo, no eido do turismo, da eficiencia enerxética, da formación etc. Por outra banda, representan tamén unha importante oportunidade para experimentar con enfoques e iniciativas innovadoras. Ademais, naqueles casos en que se executan xunto con outros socios, convértense nunha oportunidade para aprender doutras rexións ou actores e compartir experiencias.

A Deputación de Pontevedra, a través dos fondos europeos, centra a súa actuación nos concellos máis pequenos da provincia e trata tamén de abordar desafíos comúns.

Por outro lado, mensualmente publícase unha newsletter de convocatorias dirixidas ás entidades locais e ofrécese un servizo de asesoramento sobre oportunidades de financiamento europeo.