Commerce inside

• Concellos:

  Baiona

  Bueu

  Tui

  Soutomaior

  Caldas de Reis

  Nigrán

  Sanxenxo

  Cambados

  O Grove

• Programa:

  Axudas para o fortalecemento da actividade comercial en zonas turísticas (Plan de recuperación, transformación e resiliencia)

• Convocatoria:

  2021

• Fondos:

  Next Generation

• Órgano responsable:

  Ministerio de Industria e Turismo

Proxecto de impulso ao comercio nas áreas turísticas de dez municipios da provincia cun novo modelo sostible, que favoreceu o desenvolvemento do binomio comercio-turismo cun denominador común: o comercio local. Déuselle pulo a recursos e experiencias, xerouse emprego de calidade e desenvolvéronse accións con respecto polo medio.

Os concellos que se integraron no proxecto foron Baiona, Bueu, Tui, Soutomaior, Caldas de Reis, Nigrán, Sanxenxo, Cambados e O Grove. A iniciativa despregou 11 accións para xerar un crecemento ordenado dos servizos, infraestruturas e produtos. Traballouse, neste ámbito, para crear unha comunidade apoderada, participativa e fortalecida que vexa no apoio ao comercio unha base para asegurar o futuro, a través da promoción dun modelo económico-social igualitario e competitivo.

As actuacións foron:

• Instalación de tótems dixitais.
• Novas zonas de descanso verdes con cargadores solares.
• Mellora da sinalética turística comercial.
• Creación dunha plataforma de xestión de zonas comerciais.
• Desenvolvemento dun directorio enlazable con Tourist Inside e creación de contidos dixitais específicos.
• Reforzo de zonas wifi.
• Novos deseños de paquetería coa imaxe da marca turística Rías Baixas.
• Instalación de illas ecolóxicas para o depósito de biorresiduos, e utilizadas tamén como punto de información e sensibilización sobre o tratamento e reciclaxe de residuos.

Ligazóns de interese