Mellora da seguranza viaria na EP-2502 Cerquido–Ribadelouro, desde o p. q. 1+950 ata o p. q. 2+150 (Tui)

• Concellos:

  Tui

• Acronimo:

  EP-2502 Tui

• Programa:

  Axudas para realizar accións destinadas á promoción de estilos de vida saudable a través da creación ou rehabilitación de contornas saudables (RECS) (Plan de recuperación, transformación e resiliencia)

• Convocatoria:

  Primeira convocatoria de 2022

• Fondos:

  Next Generation

• Órgano responsable:

  FEMP. Ministerio de Sanidade

No proxecto contémplanse accións para fomentar un cambio modal cara a formas de transporte máis sostibles (a pé ou en bicicleta) en detrimento do vehículo privado. As actuacións, que se executan no concello de Tui, teñen como finalidade darlles valor ás e aos viandantes. Trátase de potenciar e dinamizar unha zona que presentaba unha serie de carencias e inconvenientes que padecían as persoas usuarias, xa que non cumpría coas funcións básicas necesarias para que estas circulasen con total seguridade.

Co proxecto buscouse reducir o consumo enerxético derivado do tránsito de vehículos a motor. De acordo co estudo enerxético encargado para a súa avaliación, concluíuse que a actuación podería supoñer un aforro enerxético de 12.081 kWh/ano (7,5 % de aforro respecto da situación de partida) e unha redución de emisións de 3,6 toneladas de CO₂ equivalentes, como consecuencia do novo perfil de mobilidade no curto-medio prazo. Ademais, o proxecto mellora a seguridade das persoas, viandantes e vehículos, así como a calidade do aire, e reduce os niveis de ruído na contorna.

Tras a actuación, as superficies dispoñibles para as e os peóns acadarán os 3.370 m² aproximadamente, o que inclúe o acondicionamento de 200 m² de zonas verdes na contorna, en comparación cos 288 m² anteriores.

A actuación en ambas as vías dálles continuidade ás sendas peonís existentes no tramo da EP-2502 inmediatamente anterior, que conectan este ámbito co núcleo de Ribadelouro.

Ligazóns de interese