Experiencias turísticas atemporais para reducir a estacionalidade

• Acronimo:

  Praias sen límites

• Programa:

  Programa “Experiencias turismo España” (Plan de recuperación, transformación e resiliencia)

• Convocatoria:

  Convocatoria de 2024

• Fondos:

  Next Generation

• Órgano responsable:

  Ministerio de Industria e Turismo

• Socios:

  Turismo y Planificación Costa del Sol, S. L. U.

  Promoción Exterior de Lanzarote, S. A.

  Empresa Municipal de Turismo de Santander, M. P. S. A.

  Empresa Municipal Almería Turística, S. A.

Proxecto encamiñado a ofrecer experiencias ao redor das praias fóra de tempada para desestacionalizar o turismo. Propóñense experiencias náuticas, o impulso ao turismo familiar con mascotas, rutas de sendeirismo para explorar a beleza natural da costa, turismo activo e beach starlight, potenciando as praias como lugares ideais para observar estrelas. Constituirase unha rede dos destinos integrantes da proposta. Crearase unha web para a xestión de experiencias e deseñarase unha formación específica para os destinos. Ademais, organizaranse obradoiros de concienciación turística en escolas co fin de involucrar a poboación local na importancia do turismo e do uso sostible das praias. O proxecto inclúe a elaboración dun estudo sobre outras experiencias desestacionalizadoras, de ámbito nacional e internacional, co obxecto de ampliar a oferta na provincia. Coa fin de implicar a comunidade universitaria, convocaranse dous premios nacionais, un ao mellor traballo de fin de grao (TFG) e outro ao mellor traballo de fin de máster (TFM) sobre a “Xeración de novas experiencias turísticas nas praias españolas para reducir a estacionalidade”. Por último, deseñarase un mercado dixital de empresas que ofrezan experiencias na praia, como plataforma comercializadora para captar clientela fóra da época estival; realizarase un proxecto piloto de sol e praia experiencial no Metaverso, como aposta da mercadotecnia 5.0 para a atracción turística en tempada baixa; e traballarase na análise, monitoraxe e reputación en liña de experiencias en praias en tempada, para deseñar nas devanditas plataformas determinadas accións de mercadotecnia, cuxo propósito será a captación da demanda internacional.

Ligazóns de interese