A importancia da sostibilidade ambiental e socioeconómica das Rías Baixas como motor da economía azul na contorna da Rede Natura 2000

• Acronimo:

  +Rías

• Programa:

  Programa Pleamar

• Convocatoria:

  Subvencións para o fomento da economía azul e o impulso da sustentabilidade pesqueira e acuícola, convocatoria de 2023

• Fondos:

  FEMPA

• Órgano responsable:

  Fundación Biodiversidade

O proxecto "+Rías" ten como obxectivo, a través dun enfoque integrador e participativo, aumentar a sensibilización ambiental e fomentar a conciencia ecolóxica entre as e os profesionais do mar, a poboación infantil e a sociedade en xeral con respecto aos impactos da actividade do ser humano no medio costeiro e mariño. Busca transmitir a importancia da protección e conservación da biodiversidade e dos ecosistemas mariños e, en particular, en espazos protexidos, poñendo en valor os produtos do mar locais e sostibles.

"+Rías" aborda temas clave coma os lixos mariños, a contaminación, a explotación sostible de recursos mariños vivos, a protección de biodiversidade mariña e espazos Rede Natura 2000, especies alóctonas ou exóticas invasoras, biotoxinas e impactos do cambio climático, así como a perspectiva de xénero na economía azul, concretamente no marisqueo nas Rías Baixas pontevedresas.

O proxecto consta das seguintes actividades:

• Plan de comunicación.
• Programa técnico: "A sostibilidade das Rías Baixas".
• Campaña de sensibilización da poboación infantil: "A biodiversidade e xestión pesqueira sostible das Rías Baixas de Pontevedra".
• Campaña de sensibilización para profesionais do mar: "As Rías Baixas, imprescindibles para unha pesca sostible".
• Campaña de valorización da pesca sostible das Rías Baixas de Pontevedra.
• Coordinación e xestión do proxecto "+Rías".

Ligazóns de interese