#MOBILIDADE
Rede Ágora
Concellos polo Espazo Público
A Rede Ágora de Concellos polo Espazo Público é unha iniciativa de acción institucional a prol de considerar e valorizar o espazo público como un dereito fundamental da cidadanía. Está formada pola Deputación e 54 concellos da provincia.
O seu obxectivo é chegar a xuño de 2023 conseguindo que os concellos pontevedreses incrementen de forma substancial o espazo reservado ás persoas, itinerarios peonís e ciclables cumprindo un decálogo básico:
Os principios Ágora:
- O espazo público é un dereito
- As persoas primeiro
- Mobilidade inclusiva
- Autonomía infantil
- Mobilidades alternativas
- Espazos seguros
- Hábitat saudable
- Espazos amables e de calidade
- Actividade económica de proximidade
- Mobilidade sustentable
Facultade Ágora: redeagora.gal
Subvencións
Subvencións para a redacción de proxectos de recuperación de espazos públicos para as persoas e a creación de sendas peonís e/ou ciclables no ámbito municipal dos concellos adheridos á Rede Ágora
Convocatoria 2022
- Bases (BOPPO 20/05/2022)
- Extracto das bases (BOPPO 20/05/2022)
- Bases novo prazo de solicitude (BOPPO 19/12/2022).
- Extracto das bases (BOPPO 19/12/2022)
- Tramitación en sede.depo.gal
- Asistencia técnica aos concellos da Rede Ágora para a tramitación das subvencións destinadas a actuacións que favorezan a mobilidade
- Concesión de subvencións (BOPPO 21/12/2022)
- Concesión de subvencións (BOPPO 21/12/2022)
- Aprobación da ampliación de crédito autorizado (BOPPO 04/05/2023)
- Ampliación de crédito autorizado (BOPPO 04/05/2023)
Convocatoria 2021
Grazas ás “Subvencións Ágora 2021” poderán recuperarse preto de 100.000 m2 de espazo público para as persoas gañándollo aos coches.
As axudas chegaron a 39 concellos da provincia por valor de máis de 2,2 millóns de euros. Repartíronse 1.550.000 euros entre 31 concellos que solicitaron subvencións no Eixo 1 —para redactar proxectos—, a través do cal recibiron cada un 50.000 euros; e 666.682,9 euros no Eixo 2 —de execución de obras—, con montantes de ata 100.000 euros.
Os criterios para recibir as subvencións pasaban por incrementar en máis dun 50 % o espazo peonil existente e crear zonas exclusivas para peóns de máis de 300 metros.
Unha vez que se executen os proxectos do Eixo 1 obteranse máis de 82.300 m2 para as e os peóns, o que supón un incremento do 231,65 % do espazo público actual.
No caso do Eixo 2 gañaranse 13.702,43 m2 para as persoas, un aumento do 176,90 %.
- Bases (BOPPO 24/02/2021)
- Extracto das bases (BOPPO 24/02/2021)
- Concesión de subvencións (BOPPO 26/08/2021)
Novas relacionadas
A Deputación subvenciona con 1,4 millóns a redacción de 94 proxectos de recuperación de espazos públicos e creación de sendas de 40 concellos da provincia
29/12/2023
A comarca de Pontevedra gañará preto de 17.000 m2 de espazo público para as persoas unha vez executados os proxectos subvencionados pola Rede Ágora
01/04/2023
A comarca de Caldas gañará máis de 26.000 m2 de espazo público para as persoas unha vez executados os proxectos subvencionados pola Rede Ágora
31/03/2023