Plan de sustentabilidade turística en destino “Deza e Tabeirós–Terra de Montes, os camiños por dentro”

• Concellos:

  Agolada

  Dozón

  Lalín

  Rodeiro

  Silleda

  Vila de Cruces

  Forcarei

• Programa:

  Plans de sustentabilidade turística en destinos (Plan de recuperación, transformación e resiliencia)

• Convocatoria:

  Convocatoria extraordinaria de 2021

• Fondos:

  Next Generation

Proxecto para transformar o modelo turístico en Deza e Tabeirós-Terra de Montes para orientalo á sustentabilidade. Potenciará os recursos naturais e culturais do territorio para estruturar unha oferta atractiva e singular arredor dos valores paisaxísticos e patrimoniais nos camiños xacobeos da comarca. Con este plan acadarase unha maior permanencia das e dos viaxeiros e unha mellora na calidade da experiencia turística.

Mellorarase o aproveitamento dos recursos e das infraestruturas e activaranse novas iniciativas que garantan a posta en valor dos camiños xacobeos, que serán o fío condutor de produtos e actividades para visitantes con interese no ecoturismo, nunha experiencia de achegamento á identidade do territorio.

O plan xira arredor de catro eixes coas seguintes actuacións:

Transición verde:

• Ecorruta Galicia por dentro
• Áreas de descanso para peregrinas e peregrinos
• Posta en valor da Rapa das Bestas

Eficiencia enerxética:

• Intervencións de mellora da Vía da Prata
•  Instalación de puntos de recarga de vehículos eléctricos
• A peribici. Mobilidade sostible nos camiños xacobeos de Deza-Tabeirós a Santiago de Compostela

Transición dixital:

• Sinalización turística intelixente e realización dunha guía de audio dixital (SmartGuide) dos recursos vinculados aos camiños de Santiago.
• Museografía dixital dos mosteiros de Carboeiro e Aciveiro e experiencia dixital da Rapa das Bestas.
• Comunicación dixital do Caminho da Geira e dos Arrieros e Miñoto Ribeiro.
• Plan de mercadotecnia dixital, central de reservas e promoción do destino.
• Formación sectorial.

Competitividade:

• Singularización dos camiños de Santiago e impulso ao recoñecemento oficial.
• Mesa de sustentabilidade turística e pacto local.
• Apoio ao ente xestor: coordinación, avaliación e seguimento.