OBXECTO

A institución provincial, co obxecto de promover e fomentar o desenvolvemento persoal e social das nenas e os nenos e favorecer a comunicación e o dinamismo multicultural, organiza o programa "Depo Aventura A Lanzada" 2019 e oferta 2.200 prazas nos campamentos de verán para menores da provincia de Pontevedra.

Este programa ofrece a posibilidade de que nenas e nenos gocen do seu tempo libre no verán participando en actividades de carácter lúdico, cultural, deportivo e formativo, que contribúan ao seu enriquecemento persoal e lles faciliten coñecer outros lugares fóra do seu contorno habitual.

OBXECTIVOS

1. Fomentar o contacto coa natureza
2. Ensinar a desenvolverse nun medio non habitual
3. Potenciar a motricidade e a maduración persoal
4. Ensinar a ocupar o tempo libre dunha forma construtiva
5. Desenvolver a sociabilidade entre as e os menores
6. Inculcar hábitos hixiénicos, alimentarios e de exercicio físico
7. Fomentar o respecto polo medio e a conservación da natureza
8. Darlles a oportunidade de participar a menores pertencentes a familias con escasos recursos económicos

O prazo de emenda das solicitudes é do 2 ao 15 de maio de 2019 (ambos incluídos)

• Bases (BOPPO 06/03/2019)
• Extracto da convocatoria (BOPPO 06/03/2019)
• Resolución Presidencial aprobando a lista provisional de persoas admitidas e excluídas (BOPPO 30/04/2019)
• Lista de persoas admitidas e excluídas provisionalmente
• Resolución Presidencial fixando a data e o lugar de realización do sorteo (16/05/2019)
• Resolución Presidencial aprobando as listas definitivas de persoas admitidas e excluídas (22/05/2019) BOPPO (23/05/2019)
• Lista definitiva de persoas admitidas e excluídas (22/05/2019)
• Resultado do sorteo
• Acta do sorteo para a adxudicación de prazas (14/06/2019)

Para calquera aclaración ou dúbida poderá poñerse en contacto co Servizo de Cohesión Social e Xuventude a través do teléfono 986 804 100 ou do seguinte enderezo de correo electrónico: cohesionsocialexuventude@depo.es