Encontro Provincial
Pontevedra Literaria. Xuventude e Artes 2026
“Voces que chegan"
A Deputación de Pontevedra, a través do Servizo de Xuventude e Reto Demográfico organizou no 2024 e 2025 o encontro literario e artístico “Pontevedra Literaria. Xuventude e Artes”, motivado polo notorio aumento de solicitudes de participación na categoría de traballo literario breve dos Premios Provinciais á Xuventude, o que denota un especial interese polas iniciativas de creación literaria e artística.
Participaron como relatoras e relatores, autores de mérito internacional coma Héctor Abad Faciolince, Manel Loureiro, Arantza Portabales, Ángela Banzas, Santiago Gamboa, Ledicia Costas, Jorge Volpi, Laura Ferrero e Manuel Jabois, entre outros.
Como preámbulo deste evento, e como primeira actividade da terceira edición contamos no mes de febreiro coa presencia da escritora Paloma Sánchez-Garnica.
Tras rematar o prazo de presentación de traballos da X Edición dos Premios Provinciais á Xuventude, continúase a tendencia que se vén observando nos últimos anos, o incremento da participación nas categorías de traballo literario breve e de banda deseñada, o que amosa que as accións realizadas por esta institución redundan nunha maior participación xuvenil nos eidos artístico e literario.
Pontevedra Literaria propón un ano máis dous días para achegarse á creación literaria da man de dous autores con formas moi diferentes de entender a escritura e de conectar cos lectores: Marcos Giralt Torrente e Alice Kellen. Dous días. Dúas voces. DouS xeitos de contar.
Unha conversa arredor da literatura, a memoria, a identidade e o proceso creativo e unha oportunidade para coñecer de preto a mirada da persoa que escribe e reflexionar sobre por qué escribimos e por qué necesitamos contar historias.
Este encontro segue demostrando ser unha grande oportunidade para que as persoas convidadas compartan as súas motivacións, relaten as súas experiencias no mundo literario e dean consellos e recomendacións para quen se queira iniciar nesta disciplina, especialmente as mozas e os mozos con vocación escritora.
Programa do encontro literario e artístico Pontevedra Literaria. Xuventude e Artes “Voces que chegan”
Salón de plenos do Pazo provincial. Pontevedra
- 1 de outubro, de 19:30 a 21:00 h
- 1.ª xornada: "Escribir para entender"
- Condutora da xornada: Susana Pedreira
- Actuación musical a cargo de Andrea García González (piano)
- Apertura por parte do presidente da Deputación, Luis López
- Encontro con Marcos Giralt Torrente
- Unha conversa arredor da literatura, da memoria, da identidade e do proceso creativo. Unha oportunidade para coñecer de preto a mirada dun escritor e reflexionar sobre por que escribimos e por que necesitamos contar historias
- Preguntas e interacción co público asistente
- Firma de exemplares
- 1.ª xornada: "Escribir para entender"
- 2 de outubro, de 19:30 a 21:00 h
- 2.ª xornada: "Historias que nos conectan"
- Condutora da xornada: Bibiana Villaverde
- Actuación musical a cargo de Andrea García González (piano)
- Benvida por parte do deputado provincial Jorge Cubela
- Encontro con Alice Kellen
- Unha conversa sobre literatura, emocións, personaxes e lectoras e lectores, sobre a creación de historias capaces de atravesar as páxinas e conectar especialmente co público novo
- Preguntas e interacción co público asistente
- Firma de exemplares
- Ao rematar servirase un petisco
- 2.ª xornada: "Historias que nos conectan"
PARTIPANTES E RESEÑAS
-
Alice Kellen
Alice Kellen
Alice Kellen (Silvia Hervás) naceu en Valencia en 1989.
É unha namorada dos gatos, da arte e das visitas interminables a librerías. Ademais, encántalle vivir entre as e os personaxes e as emocións que plasma no papel. Publicou dezaseis novelas, entre elas Nosotros en la luna, El mapa de los anhelos, La teoría de los archipiélagos, Donde todo brilla, Quedará el amor e Sigue lloviendo, que fascinaron a máis de tres millóns de persoas.El Club del Olvido, a súa última novela,
Sinopse. Samuel, Abel, Max e Tristán pasaron a súa infancia no mesmo barrio humilde da cidade. E, agora, xuntos deciden abrir un local de copas: El Club del Olvido. A noite da inauguración non resulta ser como ningún deles esperaba; polo menos, ata que Dalia cruza a porta do club. A moza, que creceu entre algodóns, aparece nas súas vidas para non marchar e ningún logra permanecer indiferente ao seu peculiar encanto. Entre noites gloriosas, brillos, cócteles e música, as pequenas gretas abren vellas feridas e os silencios terminan por converterse en segredos que poderían arrastralos ao naufraxio.
www.alicekellen.com
@alicekellen -
Marcos Giralt
Marcos Giralt
Marcos Giralt Torrente (Madrid, 1968) é un dos narradores máis valorados da literatura española actual, autor das novelas París (Premio Herralde de Novela), Los seres felices, Tiempo de vida (Premio Nacional de Narrativa e Premio Strega Europeo) e Los ilusionistas (Premio da Crítica, Premio Francisco Umbral ao Libro do Ano e finalista do Premio Aena). Ademais, é autor do volume de ensaios e crónicas Algún día seré recuerdo e dos libros de relatos Entiéndame, El final del amor (Premio Ribera del Duero de Narrativa Breve, 2011) e Mudar de piel. Escribiu para diversos medios españois e internacionais, o máis habitual deles o diario El País.