Ao longo de seis xornadas, o circuíto percorrerá diferentes municipios da provincia, combinando carreiras de 10 quilómetros en asfalto, probas de trail running de 14 quilómetros, andainas populares e carreiras infantís, ofrecendo unha experiencia deportiva aberta a persoas de todas as idades e niveis.

O nome de Entre Pontes representa a esencia do proxecto: ser unha ponte entre o deporte e o territorio; entre a competición e a participación; entre quen busca superar os seus propios límites e quen simplemente quere compartir unha xornada ao aire libre. Unha iniciativa que conecta persoas, municipios e paisaxes arredor dunha mesma forma de vivir o deporte.

Cada sede contará cunha identidade propia e converterase nun escaparate da riqueza natural, patrimonial e cultural da provincia de Pontevedra. Deste xeito, cada proba será tamén unha oportunidade para descubrir novos lugares, dinamizar o territorio e poñer en valor o seu potencial como destino para a práctica deportiva.

Con esta iniciativa, a Deputación de Pontevedra reafirma o seu compromiso cun modelo de deporte accesible, sostible e descentralizado, que fomenta os hábitos de vida saudables, impulsa a participación cidadá e contribúe a consolidar a provincia como un referente na organización de eventos deportivos ao aire libre.

Entre Pontes une deporte, territorio e persoas.

Máis información 886210385

Localizacións e datas

• Xornada 1: 10K, A Illa de Arousa-Vilanova de Arousa (domingo, 20 de setembro de 2026)
  Inscrición pechada
  Regulamento Guía do participante Clasificación e resultados
  Galerías de imaxes:

  Chegadas Saída da andaina Carreiras infantís Previo e saída 10K Km 6 Avituallamento km 6 Ambiente de meta e entrega de trofeos
• Xornada 2: trail, Vigo (luns, 12 de outubro de 2026)
  Inscrición aberta
  Regulamento Formulario de inscrición
• Xornada 3: 10K, Gondomar (domingo, 25 de outubro de 2026)
  Inscrición aberta
  Regulamento Formulario de inscrición
• Xornada 4: trail, Cerdedo Cotobade (domingo, 1 de novembro de 2026)
  Apertura de inscricións: Próximamente
• Xornada 5: 10K, Pontevedra (domingo, 22 de novembro de 2026)
  Apertura de inscricións: Próximamente
• Xornada 6: trail, Moaña (domingo, 29 de novembro de 2026)
  Apertura de inscricións: Próximamente