Valor Extra
Mirar polas persoas e polos colectivos, mellorar a vida nos 61 concellos, levar a cultura a todos os recunchos, atraer e promover ideas e proxectos e facer que as Rías Baixas sexan o noso mellor tesouro.
Todo iso e moito máis é Valor Extra, unha maneira de entender o goberno e a administración da provincia de Pontevedra.
Un valor que nace da proximidade coas persoas e do traballo diario, e que se traduce en resultados e investimentos.
O Goberno provincial cumpre tres anos tendendo pontes cun modelo de xestión que consiste en escoitar, entender e atender, e que está a xerar valor e prosperidade para a provincia en todos os ámbitos. Máis de 7.100 actos organizados e 620 visitas aos concellos, 600 millóns de euros mobilizados en 2.000 obras para mellorar infraestruturas e equipamentos, 1.000 colectivos do tecido asociativo atendidos con axudas por 15 millóns de euros, 600 proxectos sociais apoiados, e un destino turístico que, por primeira vez, atrae xa máis turistas internacionais que nacionais.
Son só algunhas das magnitudes que está a producir este Valor Extra. Neste espazo tes dispoñible o vídeo e o acto íntegro de Valor Extra: Tres anos tendendo pontes, que tivo lugar no Pazo provincial, e podes coñecer o resultado da xestión de 1.095 días de mandato.
#ValorEXTRA
Luis López fai balance co seu goberno de tres anos de na Deputación: máis de 2.000 obras, 600 M€ mobilizados e un apoio sen precedentes a concellos e a colectivos veciñais
O presidente provincial e o seu equipo de deputados dan conta diante de alcaldes, institucións e representantes da sociedade civil dos principais fitos acadados neste mandato en áreas estratéxicas como o turismo, o deporte, a cultura ou a cooperación
Continuar lendo...Acto íntegro de Valor Extra: Tres anos tendendo pontes
Novas
A Deputación impulsa a maior rede de apoio ao deporte da súa historia, con 30 M€ mobilizados para modernizar as infraestruturas deportivas e axudas que medran un 62%
20/07/2026
A Deputación amplía o marco de actuación en Igualdade nos tres anos de goberno, espallando actividades en todo o territorio “con todas e para todas”
20/07/2026
A Deputación remarca a mellora das condicións laborais do Consorcio Provincial de Emerxencias e a posta en marcha das primeiras axudas para agrupacións de Protección Civil
19/07/2026
A Deputación pon en valor o impulso á internacionalización e desestacionalización do destino Rías Baixas nos tres anos de goberno de Luis López
19/07/2026
A Deputación incrementa en tres anos de goberno un 40% as axudas dirixidas ao sector do mar e agrogandeiro e adáptaas ás súas demandas
16/07/2026
A Deputación convértese en aliada da mocidade, coa aprobación do I Plan Estratéxico de Xuventude e novos programas enfocados nas súas necesidades
16/07/2026
A Deputación impulsa a atención aos colectivos sociais en tres anos de goberno, con preto de 40.000 persoas participando nos programas sociais provinciais
15/07/2026
A Deputación achega a cultura a todo o territorio, pon en marcha o primeiro circuíto de artes escénicas na provincia e novas liñas de axuda para o tecido asociativo cultural en tres anos de goberno
15/07/2026
Luisa Sánchez reivindica que o actual goberno provincial converteu Vigo nunha “prioridade”: “A Deputación pasou de estar na cidade a ser decisiva na súa transformación”
15/07/2026