#DEPORTE

Na casa non quedo

Mellora da calidade de vida na provincia de Pontevedra

A Deputación de Pontevedra fixou como prioridade mellorar a calidade de vida na provincia e promover hábitos de vida saudables entre a poboación para garantir o seu benestar


Un óptimo estado de saúde é esencial para o desenvolvemento sostible e a implantación da Axenda 2030 de Nacións Unidas no territorio. Por este motivo, a Administración provincial está decidida a actuar na prevención de enfermidades e na promoción da saúde individual e colectiva en contornos saudables.
Unha mobilidade máis sustentable, o consumo de produtos de proximidade e a práctica de exercicio de forma regular son tres eixes fundamentais nos que traballa este Goberno para garantirlle unha vida sa ao conxunto da poboación.

Non importa a idade nin é necesario estar nun excelente estado de forma para manter un estilo de vida saudable.

“Na casa non quedo” é o lema co que se quere animar a cidadanía pontevedresa a abandonar hábitos nocivos e a poñerse en marcha ocupando o espazo público a pé e gozando dunha forma continuada de formidables parques, xardíns, bosques, praias e serras. Distribuiranse camisetas e chalecos rotulados con este lema entre as persoas participantes nas distintas actividades organizadas ao aire libre.
O Goberno provincial está comprometido coa promoción da saúde e poncho fácil para realizar actividade física en contacto coa natureza.

Xa sabes, este ano “na casa non quedo”. Infórmate sobre:

  • Depo andainas: camiñadas destinadas a que o público coñeza a natureza e os lugares máis emblemáticos da provincia á vez que se exercita.
  • DepoRutas BTT: cinco saídas ao ano e un máximo de 300 participantes en cada unha. Este ano chegarán á Ruta BTT da Vía Verde (Vilagarcía de Arousa), á Ruta BTT Lamprea do Río Miño (Arbo) e á Ruta BTT Serra do Candán (Forcarei).
  • Rutas literarias e rutas de arquitectura:
    • Literarias: percorridos polos concellos da provincia guiados por autoras e autores galegos de novela, poesía e teatro:os xéneros literarios levados a escenarios reais.
    • De arquitectura: percorridos por varias comarcas da provincia guiados por profesionais para compartir experiencias e coñecementos a través dos edificios e das construcións máis senlleiras.
  • Depo auga: naceu o pasado ano como experiencia única de pádel surf e caiac, e nesta edición estenderase ata As Neves, á illa de Tambo (Poio), ás salinas do Ulló (Vilaboa), e á Illa de Arousa.
  • Deporienta: actividade de orientación na natureza que neste 2022 percorrerá os concellos de Cambados, Cuntis e Tui.
  • Bosques terapéuticos: esta actividade na terapia de shinrin ioku ou baño de bosque, técnica orixinaria do Xapón que consiste en se internar na natureza para relaxar a mente e reducir o nivel de tensión.
  • Voando nas Rías Baixas: rutas ornitolóxicas que teñen unha dobre finalidade; concienciar a poboación sobre a conservación dos recursos naturais e achegarlle á cidadanía pontevedresa unha actividade turística diferente.

Elementos relacionados

 
		A Deputación dobra as prazas dos “Bosques terapéuticos” ante a súa espectacular acollida

A Deputación dobra as prazas dos “Bosques terapéuticos” ante a súa espectacular acollida

As rutas dos baños de bosque pasarán de ter 15 a 30 prazas, cun total de 1.140 nos 38 percorridos previstos entre xuño e setembro

 
		O programa “Bosques terapéuticos” ofrecerá desde o 4 de xuño un total de 38 rutas por espazos naturais da provincia, con preto de 600 prazas

O programa “Bosques terapéuticos” ofrecerá desde o 4 de xuño un total de 38 rutas por espazos naturais da provincia, con preto de 600 prazas

Este ano, como novidade, haberá rutas polas illas de Tambo e Arousa e á Ponte Colgante do Lérez, amais dos itinerarios polos Salóns do Lérez, o espazo natural de Bembrive, a Senda do Almofrei e a Ruta da Pedra e a Auga na Armenteira

 
		“Depo auga” abre a inscrición para a primeira actividade do 5 de xuño en Vilaboa

“Depo auga” abre a inscrición para a primeira actividade do 5 de xuño en Vilaboa

Esta ruta de paddle surf polas Salinas do Ulló dispón de 45 prazas que as persoas interesadas poden reservar xa na web da Deputación

— 3 Resultados por páxina
Mostrando o intervalo 1 - 3 de 4 resultados.