DepoDesafío

DepoDesafío

Debido a diferentes circunstancias vémonos na obriga de modificar a data da 1.ª proba do "DepoDesafío", o que provocará que se atrase o seu comezo.
A 1.ª proba pasará a ser o "DepoDesafío" BTT e realizarase o domingo 9 de xuño no concello das Neves.
A 2.ª proba será o "DepoDesafío" Travesía, que se levará a cabo o sábado 6 de xullo na localidade de Combarro, no concello de Poio.
A 3.ª proba será o "DepoDesafío" Carreira a pé, que terá lugar o sábado 27 de xullo en Vilagarcía de Arousa.
A 4.ª proba será o "DepoDesafío" Trail, que se realizará o domingo 8 de setembro no concello de Cuntis.
Pecharemos o "DepoDesafío" coa modalidade de Tríatlon na praia de Samil, en Vigo. Esta última proba levarase a cabo ben o sábado 12 ben o domingo 13 de outubro; a data definitiva quedará definida nos próximos días.

Na práctica deportiva poñémonos retos para manter viva a ilusión e seguir adestrando ou facendo deporte. Non chega con facer algo fácil e accesible, o que nos motiva é tentar superar aquelas cousas que supoñen un desafío.

Non penses que cando superas un reto xa está todo feito. Se che gusta o deporte e queres gozar del, sempre estarás a buscar desafíos para realizarte como deportista e como persoa.

Por todo iso, a Deputación de Pontevedra, continuando co desenvolvemento do seu plan estratéxico, impulsa un novo formato de probas deportivas chamado "DepoDesafío", que combina a carreira, a bicicleta e a natación nun ciclo de 5 probas nas que as e os participantes vivirán novas experiencias e emocións.

Ven e goza dun ambiente especial no que poderás visitar e coñecer os encantos da provincia de Pontevedra, xa que cada proba se levará a cabo nun lugar diferente desta.

As probas que integran "DepoDesafío" son a carreira a pé, a travesía a nado, o tríatlon, a carreira en bicicleta de montaña (BTT) e o trail.

Está dirixido a persoas maiores de 16 anos que queiran experimentar novos desafíos, así que non o dubides e apúntate.

Como participo? Admitirase un máximo de 200 participantes na modalidade "DepoDesafío", isto inclúe a participación en todas as probas e os premios, a bolsa da ou do corredor e o sorteo de 2 dorsais para a maratón de Berlín (con dorsal, voo e hotel), aínda que tamén se pode competir nunha soa proba.

Como me inscribo? A través do noso servizo web, tanto na modalidade de desafío coma na de proba individual.

Máis información no apartado de regulamentos.

Descargas

Última modificación: mércores, 10 abril 2019

Vídeos

Depo Desafío 2019