As políticas desta institución en materia de xuventude van orientadas á participación da mocidade de todos os concellos da provincia. Para cumprir con este obxectivo, poñemos á súa disposición a información sobre os programas de actividades, subvencións e concursos promovidos polos distintos servizos da Deputación; as instalacións e espazos que se poden solicitar para organizar eventos e poñer en marcha iniciativas; e as ofertas de prácticas profesionais, visitas escolares e oportunidades de mobilidade internacional. Deste xeito, este espazo web pretende ser un punto de referencia para a mocidade da provincia e unha valiosa ferramenta para o persoal técnico da Administración local.