Categoría: +TEATRO

Dirixido a: BEBÉS DE 0 a 3

Duración do espectaculo: 2 PASES DE 30 min

Persoa representante : A COVA DAS LETRAS

Datos de contacto : 646 383 305 - cristina.collazo.gomez@gmail.com

Páxina web do grupo : https://criscollazoactriz.gal/teatro-infantil

Sinopsis da compañia :

A Cova das Letras é unha compañía dezana que nace no 2014 con afán de espallar a cultura teatral e musical no rural. Comezan os traballos de investigación neste eido, onde se desenvolven obradoiros e espectáculos que xa van seguindo unha liña temática: a muller no rural e a revalorización da literatura oral galega. O primerio espectáculo, O CIRCO DOS CONTOS (2014), é un contacontos baseado nos contos igualitarios que mestura danza e teatro. A partires de aí son diversas as montaxes dende teatro de rúa (TEATRO Á FEIRA, 2019) até comedia musical con banda (A GATA CON ZOCOS 2018), revisión do conto tradicional O GATO CON BOTAS, ou ANIMALIA (2019). A FOTÓGRAFA (2015), PROCÚRA-SE PEPA A LOBA (2018) MARIÑEIRAS (2016), MARÍA PITA (2019) ou A ALQUIMISTA (2020) son mostra da importancia da visibilización da muller no rural. Actualmente somérxense no proxecto A FAMILIA BRAÑAS (2022), xunto co saxofonista Martiño Mato e Anxo García. Trátase dun musical terrorífico creado para realizarse con Banda de Música, coas composicións musicais de Manuel Paino. Así mesmo, dada a formación musical das compoñentes da compañía, ofrecen concertos sensorias para bebés: SON NO BERCE (2019). A COVA DAS LETRAS recibe o segundo premio á iniciativa empresarial da Deputación de Pontevedra. Anxo García, titiriteiro, actor e atrezzista, Manuel Paino, trompetista, compositor e actor e Cristina Collazo, actriz, directora e trompista, forman o elenco orixinal da compañía, mais contan coa presencia de diversos profesionais para as diferentes montaxes.

Sinopsis do espectaculo:

Concerto didáctico-sensorial para bebés (0 a 3 anos). A través de pezas musicais orixinais do compositor Manuel Paino, realizamos unha viaxe paseniña que percorre cada descuberta que fai o corpo curioso dun bebé. Dende os seus dediños que exploran a natureza, os seus primeiros pasos, que os leva o vento, a sorpresa da auga na súa cariña…até chegar as vogais e os fonemas que constrúen e dan vida á nosa lingua nai.

Caché con IVE : 825.0 €

Caché + produción técnica con IVE : 825.0 €

Técnica