Categoría: +TEATRO

Dirixido a: Familiar e xeral

Duración do espectaculo: 50 minutos

Persoa representante : Consuelo Porto Puente

Datos de contacto : 605 166 119 - matrioshkateatro@gmail.com

Páxina web do grupo : https://matrioshkateatro.com/fala-fala-falangueira/

Sinopsis da compañia :

Matrioshka Teatro naceu no ano 2013 da man de tres actrices, para facer un teatro onde as intérpretes estean no centro da creación. Creamos dramaturxias a pé de escena, sen deixar de lado unha estética coidada, o sentido do humor, a frescura e a naturalidade de romper e volver levantar a cuarta parede cando nos cadra, envolvendo así ao público con nós. Apostamos por camiños intermedios, por linguaxes mesturadas que transitan neses lugares de intersección, de recollida e cruzamento entre o teatro máis clásico e o contemporáneo. Alimentámonos do legado das xeracións que foron antes ca nós, repousamos o vivido, e compartímolo coas persoas que están, sen deixar de pensar nas que virán. Somos teatro de partillar e coidar. Mulleres que guían, mulleres que homenaxean, mulleres que acubillan, así como nós tamén fomos acubilladas por outras. Espectáculos creados e premiados foron: • Cést la vie. Que trata sobre o paso do tempo, • Manawee: sobre as novas emocións da preadolescencia. • Señora que pasea pola rúa con dous cans preciosos: homenaxe a María Victoria Moreno e a tódalas boas mestras e mentoras. • Comando Comadres, e ... • Comadres en acción: dous espectáculos sobre os micromachismos para sala de teatro ou para lugares alternativos. • Fala fala falangueira: sobre a lingua da nosa terra.

Sinopsis do espectaculo:

O mundo das nosas palabras amosado por dúas actrices que exploran como foron transmitidas de xeración en xeración, de Matrioshka a Matrioshka. Movéndose entre a luz da memoria e do esquecemento, aparecen algunhas usadas dende hai séculos, outras xa esquecidas e outras recén estreadas. Configurando momentos de diversión e reflexión créanse combinacións que abren as portas da curiosidade, entre o público familiar e infantil a partir de 7 anos, sobre como se formou a historia da lingua da nosa terra. Fala fala falangueira é un espectáculo que nace do amor e o respecto á nosa lingua.

Caché con IVE : 2299.0 €

Caché + produción técnica con IVE : 3232.0 €

Técnica