Categoría: +TEATRO

Dirixido a: Adulto

Duración do espectaculo: 50 minutos

Persoa representante :

Datos de contacto : 687 208 705 - a.delarriva@gmail.com

Páxina web do grupo : https://anaabaddelarriva.com/

Sinopsis da compañia :

Ana Abad de Larriva é unha artista multidisciplinar que, como creadora escénica, se comunica dende a escritura, a interpretación, a música e o canto, a danza e a ilustración. É titulada superior en Arte Dramática pola ESAD de Galicia, na especialidade de Interpretación Xestual; e doutora en Comunicación pola Universidade de Vigo, cunha tese multidisciplinar en Comunicación e Artes Escénicas. Ten tamén formación en canto, en piano e en danza (oriental, butoh e contemporánea). As súas creacións son concibidas como poemas escénicos multidisciplinares, nos que están moi presentes a música, as artes do movemento e as artes visuais, alén da palabra; e foron escollidas e estreadas, interpretadas por ela, como actriz e cantautora, en certames e convocatorias como o Metro Cadrado do FIOT de Carballo ('Palabra', 2020, e 'Na sombra unha árbore', 2021); o Festival de Pezas dun Teatro do Porvir, da AELG ('Mulleres que bailan na néboa', 2020; 'Efecto flash', 2021; 'Primavera', 2022); o 67 Graos Ourense Fervescénica do FITO ('Lama', 2021; 'Primavera', 2022, e 'Mulleres que bailan na néboa', 2023); o Festival Escenas do Cambio ('Sobre o baleiro', 2022); ou o Programa Violencia Zero, da Deputación de Pontevedra ('Muller auga', 2023; con María Move), entre outros. Desenvolve tamén proxectos musicais como cantautora e de arte sonora, como ‘Escoitas de Alemparte’, que foi o proxecto gañador da convocatoria Idear Alemparte. Como dramaturga obtivo tamén premios e recoñecementos como o Premio Roberto Vidal Bolaño de Textos Teatrais, do IES Ribeira do Louro, o Concello do Porriño e Editorial Galaxia, por 'A sombra das árbores', en 2019; o Premio de Microteatro da Memoria, da Deputación de Pontevedra e a ESAD de Galicia, por 'Un biolo na noite', en 2021; o Premio Abrente de Textos Teatrais da Mostra Internacional de Teatro de Ribadavia, por 'A nunca vista', e a Bolsa de Dramaturxia do Centro Dramático Galego por 'Bailar no ceo', en 2022; e foi finalista nos Premios María Casares 2024 pola súa tradución e versión orixinal de 'Antonio e Cleopatra' para o espectáculo do CDG 'Shakespeare en Roma'. Os seus textos foron publicados en editoriais como Galaxia, Invasoras, Positivas ou Á Feira Edicións. Alén diso, Ana desenvolve un intenso labor nos campos da comunicación, mediación, investigación e docencia escénica e cultural, que tamén nutre a súa creación artística.

Sinopsis do espectaculo:

'Danzar no ar: A maxia de voar' é unha conferencia performativa sobre as figuras pioneiras da aviación en Galicia e a forza dos soños. Unha charla que fai un achegamento ás figuras de Chichana Patiño e José Piñeiro dende unha abordaxe creativa multidisciplinar. Un encontro arredor da beleza de sucar o ceo a partir do exemplo de persoas que abriron camiños nel e na vida; pero tamén sobre a valentía, a amizade, a ilusión e a paixón, que nos conectan a través do tempo e nos seguen a inspirar a perseguir aquilo que nos chama. Autoría, dirección e interpretación musical, textual e escénica: Ana Abad de Larriva Asistencia de dirección, fotografía e cartel: David Rodas González Asistencia vocal e musical: Sagrario Salamanca e Úrsula Casás Colabora: Centro Dramático Galego (CDG) Inspirada a partir de 'Bailar no ceo', de Ana Abad de Larriva, proxecto gañador da II Bolsa de Dramaturxia do CDG.

Caché con IVE : 495.0 €

Caché + produción técnica con IVE : 495.0 €

Técnica